Müəllif: Gülnar Əhmədli, Banco.az
Almaniyanın ev sahibliyi etdiyi Avropa çempionatının final oyunu iyulun 14-də keçiriləcək.
Banco.az xəbər verir ki, İspaniya və İngiltərə arasında keçiriləcək final oyunu Bakı vaxtı ilə 23:00-da başlayacaq.
1960-cı ildən bəri keçirilən əfsanəvi matçlarla, unudulmaz qollarla, tarixə düşən anlarla dolu olan bu möhtəşəm turnirdə indiyə qədər qalib olan və kuboku başı üzərinə qaldıran ölkələrə nəzər salaq. Hər kəsin bu il də qalibi maraqla gözlədiyi Avropa çempionatını 3 dəfə Almaniya, 3 dəfə isə İspaniya yığması qazanıb. Kuboku 2 dəfə qazanan ölkələr Fransa və sonuncu kubokun da qalibi olan İtaliyadır:
2020 – İtaliya
2016 – Portuqaliya
2012 – İspaniya
2008 – İspaniya
2004 – Yunanıstan
2000 – Fransa
1996 – Almaniya
1992 – Danimarka
1988 – Niderland
1984 – Fransa
1980 – Almaniya
1976 – Çexslovakiya
1972 – Almaniya
1968 – İtaliya
1964 – İspaniya
1960 – Sovet İttifaqı
Bizi sosial şəbəkələrdən izləyin!!
