Banco.az Mərkəzi Banka istinadən xəbər verir ki, iyunun 19-u ilə müqayisədə Azərbaycanda 1 ABŞ dollarının manata nisbətdə rəsmi məzənnəsi ucuzlaşıb.
İyunun 22-nə olan rəsmi məzənnələr bülleteninə nəzər salanda məlum olur ki, ölkəmizdə dolların rəsmi məzənnəsi 0,0001 manat və ya 0,01% ucuzlaşaraq 1,0473 manat olub.
Bivalyuta səbətinə daxil olan avronun məzənnəsinə gəlincə, manata nəzərən Avrozonanın vahid valyutası 0,001 manat və ya 0,08% bahalaşaraq 1,1921 manat olub.
Qeyd edək ki, sonuncu dəfə avronun məzənnəsində bu səviyyə 2007-ci ildə qeydə alınıb.
