Müəllif: Tamara Mustafayeva, Banco.az
“OpenAI” 1-800-CHATGPT xətti ilə telefon zəngləri təklif etməyə başlayıb.
Banco.az xəbər verir ki, “OpenAI” süni intellekt çatbotu “ChatGPT”ə daxil olmağı daha da asanlaşdırmaq üçün telefon əsaslı xidmət tətbiq etməyı başlayıb.
ABŞ və Kanadada istifadəyə buraxılan olan bu yeni sistem insanlara 1-800-CHATGPT (1-800-242-8478) nömrəsinə zəng edərək “ChatGPT” ilə telefon danışığı etməyə imkan yaradır.
Sınaq məqsədi ilə təqdim edilən xidmət istifadəçilərinə ayda 15 dəqiqəyə qədər pulsuz danışıq imkanı təqdim edir və süni intellekt köməkçisini telefon zəngi qədər əlçatan edir.
Beynəlxalq istifadəçilər WhatsApp vasitəsilə “ChatGPT”ə mesaj göndərmək seçimindən faydalana biləcəklər. Lakin bu platforma vasitəsilə şəkil və videoların göndərilməsi hazırda mümkün deyil.
Qeyd edək ki, bu yenilik “OpenAI”nin 12 günlük tədbiri zamanı elan edilib və xüsusilə məhdud internet çıxışı olan və ya smart cihazlara çıxışı olmayan şəxslər üçün hazırlanıb.
Bizi sosial şəbəkələrdən izləyin!!
