Müəllif: Tamara Mustafayeva, Banco.az
Angela Merkelə Böyük Xaç ordeni verilib.
Banco.az xəbər verir ki, Almaniyanın keçmiş kansleri Angela Merkel Almaniyanın ən yüksək xidmət mükafatı olan “Xidmətlərə görə” Böyük Xaç ordeni ilə təltif edilib.
Bellevue sarayında keçirilən mərasimdə prezident Frank-Valter Ştaynmayer Merkelə Almaniya Federativ Respublikasının xüsusi hazırlanmış “Xidmətlərə görə” Böyük Xaç ordenini təqdim edib.
Prezident Ştaynmayer buradakı çıxışında Angela Merkelə verilən Böyük Xaçın “xüsusi variantı”nın müstəsna xarakter daşıdığını dilə gətirib.
Merkelin ABŞ-ın Avropada həlledici həmsöhbəti olduğuna diqqət çəkən Ştaynmayer hətta Corc Buş və Barak Obamanın çətin anlarda Merkeli Qərb dünyasının lideri kimi təriflədiklərini, Merkelin Donald Tramp dövründə isə dialoqda qalmağı bacardığını bildirib.
Bizi sosial şəbəkələrdən izləyin!!
