Amrahbankın kredit portfeli ötən ilin eyni dövrü ilə müqayisədə 22% kiçilib. Bu haqda Banco.az portalı bankın maliyyə göstəricilərinə istinadən məlumat verir.
Ötən ilin analoji dövrü ilə müqayisədə bankın cəmi aktivləri də 10% azalıb.
Bankın əməliyyat göstəricilərində də geriləmə müşahidə olunub. Kreditlər üzrə mümkün zərərlərin ödənməsi üçün ayırılan ehtyalardan sonra, bankın xalis faiz zərəri 49 min 274 manat təşkil edib.
Bankın qeyri faiz gəlirləri 5 milyon manat civarında olsa belə, yekunda əməliyyat xərclərini qarşılamağa kifayət etməyib.
Hesabata əsasən bankın zərəri 2 milyon 335 min manat təşkil edib. Bu isə ötən ilin eyni dövrü ilə müqayisədə 27,8% daha çoxdur.
