Müəllif: Tamara Mustafayeva, Banco.az
ABŞ-ın texnologiya nəhənglərinin süni intellekt sahəsində üstünlüyü hökm sürür.
Banco.az xəbər verir ki, süni intellektin təhlükəsizlik, səmərəlilik, iqtisadi və sosial məqsədlərin reallaşdırılması üçün təklif etdiyi potensial bu gün rəqəmsal iqtisadiyyatın ən mühüm elementlərindən birinə çevrilib.
Məlumdur ki, süni intellekt üçün ilk növbədə güclü serverlər və böyük həcmdə məlumat bazası lazımdır. Bu baxımdan, “Google”, “Microsoft” və “Meta” kimi böyük ABŞ şirkətləri hər ikisinə sahib olduqları üçün fərqlənirlər.
Hazırda bir çox ölkə və şirkət bu texnologiyadan yararlanmağın yollarını axtarsa da, süni intellekt tətbiqləri və inkişafları sahəsində qabaqcıl olaraq bazara hakim olan “Microsoft”, “Meta” və “Alphabet” kimi ABŞ-ın texnologiya nəhəngləri diqqəti cəlb edir.
“Grand View Research”in araşdırmasına görə, ötən il 196,6 milyard dollar olan süni intellektin mövcud bazar payının 2030-cu ildə orta hesabla 36 faizdən çox artımla 1 trilyon 800 milyard dollara çatacağı gözlənilir.
Bizi sosial şəbəkələrdən izləyin!!
