Müəllif: Tamara Mustafayeva, Banco.az
Yanvar ayında Almaniyada “Tesla” avtomobillərinin satışı 59 faiz azalıb.
Banco.az xəbər verir ki, İlon Maskın tutduğu partizan mövqeyindən sonra Avropada “Tesla” markasına qarşı artan narazılıq satış rəqəmlərinə də əks olunub.
Almaniyada ifrat sağçı siyasətçilərlə bir araya gələn Maskın şirkəti “Tesla”nın yanvar ayı satışları 59% azalaraq 1277 ədəd qeydə alınıb. Bununla da 2021-ci ilin iyul ayından bəri ən aşağı aylıq satış rəqəmi müşahidə edilib.
Oxşar şəkildə Fransada da “Tesla” satışları sürətlə azalıb. Yanvar ayında ölkədə “Tesla” satışları illik müqayisədə 63% geriləyib.
Maskın siyasi gərginlik yaşadığı digər ölkə olan Böyük Britaniyada da satışlar azalıb. Bu ölkədə satışlar 12% düşüb.
Bizi sosial şəbəkələrdən izləyin!!
