Müəllif: Tamara Mustafayeva, Banco.az
Almaniyada illik dövriyyəsi ən azı 50 milyon avro olan şirkətlər arasında müflisləşmə halları artmağa başlayıb.
Banco.az xəbər verir ki, Almaniyada illik dövriyyəsi ən azı 50 milyon avro (54,5 milyon ABŞ dolları) olan şirkətlər arasında müflisləşmə hallarında kəskin artım müşahidə olunub.
Kredit sığorta şirkəti “Allianz Trade” tərəfindən bazar ertəsi dərc edilən araşdırma bu məsələyə işıq tutub.
Araşdırma göstərib ki, ilin ilk 9 ayında müflisləşən iri müəssisələrin sayı əvvəlki ilin eyni dövrü ilə müqayisədə 73 faiz artaraq 45-ə çatıb. Bu baxımdan moda sənayesi, xəstəxanalar və maşınqayırma sektorları xüsusilə ağır zərbə alıb.
“Böyük iflaslar bu il geri qayıdıb və 2020-ci ilin rekorduna doğru irəliləyir”, deyə “Allianz Trade” İflas Araşdırmasının Baş Analitiki Maksim Lemerle bildirib.
Qeyd edək ki, Almaniya iqtisadiyyatının bu il aşağı istehlak və zəif sənaye istehsalının təzyiqi altında olduğu bir vaxtda hökumət 2023-cü ilin yekununda 0,4 faiz daralma ilə tənəzzül gözləyir.
Bizi sosial şəbəkələrdən izləyin!!
