Müəllif:Gülbəniz Hüseynli/Banco.az
Almaniya iqtisadiyyatının rəqabət qabiliyyəti dövlətin investisiyalarına baxmayaraq 2014-cü ildən bəri rekord səviyyədə aşağı düşüb.
Banco.az xəbər verir ki, bu barədə Almaniyanın maliyyə naziri Kristian Lindnerin X sosial şəbəkəsində yazıb.
“Biz rekord məbləğdə sərmayə qoysaq da, 2014-cü ildən bəri rəqabət qabiliyyətimiz hər il azalıb”, - deyə Lindner yazıb.
Maliyyə Nazirliyinin rəhbəri dövlət vəsaiti hesabına yüksək rəqabət qabiliyyətinin təmin oluna biləcəyinə şübhə ilə yanaşıb.
Qeyd edək ki, Almaniyada sənaye istehsalı 2022-ci ilin noyabr ayında əvvəlki ayla müqayisədə 0,7% azalıb.
Bu barədə Almaniya Federal Statistika İdarəsi məlumat yayıb. Azalma əsas vəsaitlərin, aralıq və istehlak mallarının istehsalına təsir edib. Tikinti həcmi 2,9% azalıb, lakin elektrik enerjisi istehsalı 3,9% artıb.
Ümumilikdə Almaniyada sənaye istehsalı noyabrda 2022-ci ilin eyni ayındakı səviyyədən 4,8% aşağı olub. Ekspertlər qeyd edirlər ki, ölkədə sənaye istehsalının aşağı düşməsi yüksək enerji qiymətləri, inflyasiya və qlobal iqtisadiyyatda tənəzzüllə əlaqələndirilir.
