Müəllif:Mehin Qasımova,Banco.az
Almaniya hərbi sahəyə böyük investisiya ayırır.
Banco.az xəbər verir ki, Bundestaq yaxın günlərdə pilotsuz təyyarələr, raketlər və digər hərbi texnologiyalar üçün 2,9 milyard avro xərcləməyi təsdiqləyə bilər.
Bu, Almaniyanın Avropada militarizasiyada əsas rol oynayacağını göstərir.
Planlaşdırılan 11 layihə arasında dronlar, hücum tüfəngləri və raketlər var.
"Rheinmetall Soldier Electronics" tüfənglər üçün 490 milyon avroya qədər 250 000 lazer yönləndirmə modulu istehsal edəcək.
"Mercedes-Benz" isə 1 744 hərbi yolsuzluq avtomobili üçün 379 milyon avroluq sifariş qazana bilər.
Bundan əlavə, Münhendə yerləşən "Quantum Systems" startapından 85 milyon avroya 750 taktiki kəşfiyyat dronu alınması planlaşdırılır.
NATO-nun baş katibi Mark Ruttenin fikrincə, Almaniyanın güclü iqtisadiyyatı onun Avropadakı hərbi təsirini artırır və regionun təhlükəsizlik balansında mühüm rol oynayacaq.
