Müəllif: Tamara Mustafayeva, Banco.az
Almaniya müharibə səbəbindən böyümə proqnozunu yarıya endirib.
Banco.az xəbər verir ki, "Reuters"in xəbərinə görə, Almaniya hökuməti İran müharibəsinin neft və qaz qiymətlərini artırması fonunda 2026 və 2027-ci illər üzrə iqtisadi artım proqnozlarını aşağı yönlü yeniləyib, inflyasiya gözləntilərini isə yüksəldib.
Hökumət cari il üçün əvvəlki 1 faizlik proqnozunu 0,5 faizə endirib. 2027-ci il üzrə isə artım proqnozu 1,3 faizdən 0,9 faizə salınıb.
Xəbərdə qeyd olunur ki, KOVİD-19 pandemiyası və Rusiyanın Ukraynanı işğalından sonra qlobal iqtisadiyyata təsir edən növbəti böyük şok olan bu müharibə inflyasiya gözləntilərini də artırır.
"Reuters"ə danışan mənbənin sözlərinə görə, Almaniya hökuməti bu il üzrə inflyasiya proqnozunu 2,3 faizdən 2,7 faizə yüksəldib. Hökumət 2027-ci ildə isə qiymətlərin 2,8 faiz artacağını proqnozlaşdırır.
Bizi sosial şəbəkələrdən izləyin!!
