Banco.az portalı, 2014-cü ilin yekunlarına əsasən bankların aktivlərin həcminə görə sıralamasını Sizə təqdim edir. Bu reytinq bankların illik və rüblük maliyyə hesabatları və əsasən balans hesabı əsasında tərtib edilib. Bəzi Bankların rəsmi saytlarında 2014-cü ilin son rübünə olan rəqəmlər yer almadığından renkinqdə daha öncəki tarixlərə olan rəqəmlər əks olunub.

Lakin siyahıda adları yer almayan banklar isə, ümumiyyətlə, 2014-cü ilə dair müvafiq hesabatları saytlarında yerləşdirməyən banklardır. Təəssüf ki, bir neçə bank dövrü olaraq Mərkəzi Banka maliyyə göstərciləri ilə bağlı rəqəmləri tərtib etsə də saytında həmin rəqəmləri açıqlamağı vacib hesab etmir.

 İlk beşlik isə belə görünür: Azərbaycan Beynəlxalq Bankı, Kapital Bank, Paşa Bank, Xalq Bank və AccessBank

Balans hesabatı – müəssisənin bəlli bir tarixdəki aktivlərini və passivlərini (öhdəlik, kapital) göstərən hesabatdır. Balans hesabatının əsas elementləri aktivlər, öhdəliklər və kapitaldır.

Hər hansı bir bankın aktivləri sırasında yer ala bilər:

• Pul vəsaitləri və pul vəsaitlərinin ekvivalentləri
• İnvestisiya və ya ticarət üçün qiymətli kağızlar
• Müştərilərə verilmiş kreditlər,
• Banklara, dövlətə və ya digər orqanlara verilmiş kreditlər
• İnvestisiya əmlakı
• Əmlak və avadanlıqlar
• Qeyri-maddi aktivlər (müxtəlif proqram təminatları və s.)