Aktivlərindən istifadəyə görə banklar - SİYAHI

"Atabank" istisna olmaqla Azərbaycanda fəaliyyət göstərən 29 bank ötən ili 536,9 milyon manat xalis mənfəətlə başa vurub ki, bu da onların bu il yanvarın 1-nə malik olduqları 32 milyard 722,8 milyon manat məbləğində aktivlərin 1,6%-i qədərdir.

Ayrı-banklarda isə sözügedən nisbət fərqlidir. Belə ki, 2019-cu ildən mənfəətlə çıxmış 23 bank arasında aktivlərindən ən yaxşı istifadə edəni "Bank of Baku" ASC olub. Bu bankın əldə etdiyi mənfəət aktivlərinin 6,4%-ni təşkil edib. Baxmayaraq ki, "Bank of Baku" aktivlərinin məbləğinə görə ölkədə 17-cidir.

Fəaliyyət effektivliyinə görə, 2-ci yeri "Express Bank" ASC tutub. Bu bank ötən il aktivlərinin 5,6%-i qədər mənfəət əldə edib. Bu arada, "Unibank" aktivlərinin məbləğinə görə, 29 bank arasında 8-ci yerdə qərarlaşıb.

Mənfəətinin aktivlərinə nisbətinə görə 3-cü yerə isə 3,3%-lik göstərici ilə "Azərbaycan Beynəlxalq Bankı" və "Kapital Bank" ASC-lər sahib olub. Bu banklar aktivlərinin məbləğinə görə, ölkədə müvafiq olaraq 1-ci və 3-cüdür.

Mənfəətlə işləyən qalan 20 bankda isə sözügedən göstərici 0-3,1% arasında dəyişir.

Hesabat dövründə aktivlərindən ən pis istifadə edən bank isə İran Milli Bankının Bakı filialı olub. Bu maliyyə qurumu aktivlərinin 16,8%-i qədər zərərlə üzləşib.

№	Bankın adı	Bankın illik mənfəətinin / zərərinin aktivlərinə nisbəti
1	Bank of Baku	6,4%
2	Express Bank	5,6%
3	Azərbaycan Beynəlxalq Bankı	3,3%
4	Kapital Bank	3,3%
5	Bank Avrasiya	3,1%
6	Unibank	3,0%
7	Bank VTB Azərbaycan	3,0%
8	Naxçıvan Bank	2,2%
9	Bank BTB	2,2%
10	Rabitəbank	1,5%
11	Bank Respublika	1,4%
12	Premium Bank	1,4%
13	PAŞA Bank	1,4%
14	Xalq Bank	1,4%
15	Zıraat Bank Azərbaycan	1,2%
16	AFB Bank	1,1%
17	Günay Bank	1,0%
18	Yapı Kredi Bank Azərbaycan	0,9%
19	Azərbaycan Sənaye Bankı	0,8%
20	NBC Bank	0,4%
21	Azər-Türk Bank	0,2%
22	Turan Bank	0,1%
23	Yelo Bank	0,0%
24	AGBank	-0,5%
25	Muğan Bank	-1,3%
26	Pakistan Milli Bankı - Bakı	-3,9%
27	Amrah Bank	-5,3%
28	Access Bank	-10,0%
29	İran Milli Bankı - Bakı	-16,8%
30	Atabank	Açıqlamayıb