Tamara Mustafayeva, Banco.az
Avropa İttifaqı (Aİ) bəzi Rusiya mallarının idxalına qadağa qoyulmasını və neftin qiymətinə yuxarı hədd təyin edilməsini də ehtiva edən yeni sanksiyalar paketi təklif edib.
Banco.az xarici mətbuata istinadla xəbər verir ki, Aİ Rusiyanın qismən səfərbərlik və referendum qərarından sonra yeni sanksiyalar paketi təklif edib.
Avropa Komissiyasının sədri Ursula fon der Leyen bildirib ki, rəsmi Kreml gərginliyi artırmasının nəticələri ilə üzləşəcək. O həmçinin qeyd edib ki, sanksiya təklifi bəzi Rusiya məhsullarının idxalına qadağa qoyulmasını və əsas texnologiyaların Rusiyaya ixracının dayandırılmasını ehtiva edir.
Aİ-nin yeni təklifinə üçüncü ölkələrə satılan Rusiya neftinə yuxarı qiymət həddinin tətbiqi kimi tədbirlər də daxildir. Leyen bəyan edib ki, yeni sanksiyalar paketi Rusiyanı 7 milyard avro ixrac gəlirindən məhrum edəcək.
Xatırladaq ki, sanksiyaların qüvvəyə minməsi üçün Avropa İttifaqının 27 üzv ölkəsi sözügedən təklifi təsdiqləməlidir.
Bizi sosial şəbəkələrdən izləyin!!
