Müəllif - Fərid İslamov - Banco.az

 Avropa İttifaqında qaz istehlakı 2024-cü ildə 2 milyard kubmetr artaraq 332 milyard kubmetrə çatıb. Lakin bu göstərici 2022-ci illə müqayisədə 7%, 2021-ci illə müqayisədə isə 20% daha az olub (412 milyard kubmetr). Bu barədə Avropa Komissiyasının hesabatında bildirilir.

Oktyabr-dekabr aylarında Aİ-də qaz istehlakının azalması dayandı və illik hesablamada 8%-lik rüblük artım qeydə alındı. Bu, 2021-ci ilin ikinci rübündən bəri ilk dəfə baş verən artım olub.

Aİ üzv dövlətlərində qaz istehlakının dəyişməsi müxtəlif olub:

• İstehlakın azalması 17%-ə qədər,

• Artması isə 30%-ə qədər dəyişib.

2024-cü ildə Aİ-də qaz hasilatı 32 milyard kubmetr təşkil edib ki, bu da:

• 2023-cü illə müqayisədə 15% azdır (38 milyard kubmetr).

• 2022-ci illə müqayisədə isə 32% azdır (47 milyard kubmetr).

Daxili qaz hasilatı 2024-cü ildə Aİ-nin daxili qaz istehlakının yalnız 10%-ni təmin edib, bu da 2023-cü ildəki 11%-dən 1 faiz bəndi azdır.

Ən böyük qaz istehsalçısı əvvəlki kimi Niderland qalır, onun payına hasilatın üçdə biri (9,7 milyard kubmetr) düşür. Sonrakı yerlərdə:

• Rumıniya (9,4 milyard kubmetr)

• Almaniya (3,9 milyard kubmetr) gəlir.