Müəllif: Tamara Mustafayeva, Banco.az
Trampın tariflərindən sonra Afrika ticarətdə Çinə yönəlir.
Banco.az xəbər verir ki, ABŞ-dan gələn sifarişlər azalarkən, qitənin Çin ilə ticarəti illik əsasda 25 faiz artaraq 122 milyard dollara çatıb. 1,5 milyard əhalisi olan qitəyə edilən ixracatda bu il digər böyük bazarlara nisbətən daha sürətli artım müşahidə edilib.
2025-ci ilin bu dövründə ixracat artıq 2020-ci ilin bütün satışlarını geridə qoyub.
Afrikada Çin məhsullarının ən böyük alıcıları Nigeriya, Cənubi Afrika və Misir olub. İlin ilk yeddi ayında Afrikaya edilən tikinti texnikası ixracı illik əsasda 63 faiz artaraq ən sürətli böyüyən məhsul kateqoriyalarından birinə çevrilib. Minik avtomobillərinin göndərişləri əvvəlki illə müqayisədə iki dəfədən çox artıb, bəzi polad məhsullarında isə yüksək ikirəqəmli artım qeydə alınıb.
Buna baxmayaraq, Afrikanın Çinin ümumi ixracatındakı payı hələ də təvazökar səviyyədə – cəmi 6 faizdir. Bu göstərici ABŞ-ın payının yarısına bərabərdir.
Bizi sosial şəbəkələrdən izləyin!!
