Müəllif:Mehin Qasımova,Banco.az
ABŞ prezidenti Donald Tramp ABŞ və Özbəkistan arasında ticarət-iqtisadi sazişin imzalandığını açıqlayıb.
Banco.az xəbər verir ki, Tramp bu barədə sosial media hesabında paylaşım edib.
O bildirib ki, razılaşmaya əsasən, Özbəkistan qarşıdakı üç il ərzində ABŞ-dan kritik minerallar, aviasiya, avtomobil hissələri, infrastruktur, kənd təsərrüfatı, enerji, kimya və informasiya texnologiyaları kimi əsas sahələrdə təxminən 35 milyard dollar dəyərində alış və sərmayə həyata keçirəcək.
Trampın sözlərinə görə, bu rəqəm növbəti on il ərzində 100 milyard dolları keçəcək.
ABŞ prezidenti həmçinin Özbəkistan prezidenti Şavkat Mirziyoyevə təşəkkür edərək, iki ölkə arasında uzunmüddətli və məhsuldar əməkdaşlıq qurmağı səbirsizliklə gözlədiklərini vurğulayıb.
