Müəllif: Tamara Mustafayeva, Banco.az
ABŞ-da seçki yarışında Tramp-Harris qarşıdurması davam edərkən seçkilərdən sonra dolların avro qarşısında dəyər itirəcəyini proqnozlaşdıran qurumların sayı artır.
Banco.az xəbər verir ki, ABŞ seçkiləri üçün son dönüş nöqtəsinə daxil olduğumuz bir vaxtda Avro/Dollar pariteti ilə bağlı gözləntilər də formalaşmaqdadır.
İspaniyada yerləşən “BBVA” bankı 31 oktyabr tarixli proqnozunda bu ilin dördüncü rübü üçün paritet proqnozunu 1,08 olaraq açıqlayıb. Bank 2025-ci ilin birinci rübü üçün orta məzənnə gözləntisini 1,11, bütövlükdə 2025-ci il üzrə isə 1,15 qeyd edib.
“Prestige Economic LLC” də oktyabrın 31-də bu ilin dördüncü rübü üçün orta paritet proqnozunu 1,11 olaraq elan edib. Qurumun 2025-ci ilin birinci rübü üçün proqnozu 1,13 olub.
“Rabobank”, “XTB” və “Wells Fargo” gələn il dolların avro qarşısında möhkəmlənməyə davam edəcəyini proqnozlaşdırıb. Adıçəkilən qurumlar növbəti il üçün müvafiq olaraq 1,08, 1,06 və 1,02 məzənnəsi proqnozlaşdırıblar.
Bizi sosial şəbəkələrdən izləyin!!
