ABŞ Enerji İnformasiya İdarəsi (EIA), ölkədəki kommersiya (satış üçün) xam neft ehtiyatlarının keçən həftə 1,4 milyon barel (0,3%) artaraq 450,4 milyon barelə yüksəldiyini açıqlayıb.
Bazar proqnozu, ehtiyatların 1,5 milyon barel artacağı istiqamətində idi. Xam neft ehtiyatları bir əvvəlki həftə 7,9 milyon barel artmışdı.
Kommersiya xam neft ehtiyatlarına daxil olmayan strateji xam neft anbarları isə keçən həftə 2 milyon barel azalaraq 637,5 milyon barel olub.
ABŞ-ın benzin ehtiyatları keçən həftə 1,8 milyon barel (0,8%) artımla 220,8 milyon barelə yüksəlib. Benzin ehtiyatlarına dair bazar proqnozu 0,8 milyon barel artım olacağı istiqamətində idi.
ABŞ-ın xam neft idxalı, keçən həftə bir əvvəlki həftə ilə müqayisədə gündəlik orta hesabla 222 min barel artımla təxminən 5,9 milyon barelə, ixracı isə gündəlik orta hesabla 394 min barel artımla 3,02 milyon barelə yüksəlib.
NEFT İSTEHSALI
Ötən həftə ABŞ-da xam neft istehsalı isə dəyişiklik göstərməyib. 8 - 15 Noyabr həftəsində ABŞ-ın xam neft istehsalı, gündəlik orta hesabla 12,8 milyon barel səviyyəsində qalıb.
EIA-nın "Noyabr 2019" hesabatında, 2020-ci ildə Brent növü xam neftin orta qiymətinin 60 dollar, ABŞ-ın Qərb Texas (WTI) xam neftinin orta qiymətinin də 54,50 dollar olacağı nəzərdə tutulub.
marja
