Müəllif: Tamara Mustafayeva, Banco.az
ABŞ-də pərakəndə satışlar ardıcıl üçüncü aydır ki, artıb.
Banco.az xəbər verir ki, ABŞ-də iki mühüm göstərici açıqlanıb.
Pərakəndə satışlar aprel ayında daha zəif templə artsa da, bu vəziyyət yüksək benzin qiymətlərinin bəzi istehlakçıları digər mağazalardakı xərclərini azaltmağa vadar etdiyini göstərib.
Ticarət Nazirliyinin məlumatına görə, pərakəndə satışlar 0,5 faiz artıb. Beləliklə, artım ardıcıl üçüncü ay davam edib.
Gözlənti də 0,5 faizlik artım idi. Pərakəndə satışlar əvvəlki ay 1,6 faiz yüksəlmişdi. Avtomobillər istisna olmaqla satışlar isə 0,7 faiz artıb.
13 kateqoriyadan 9-da artım qeydə alınıb. Aprel ayında idman malları mağazalarında, onlayn satış platformalarında və elektronika mağazalarında satışlar yüksəlib. Mühərrikli nəqliyyat vasitələrinin satışında isə azalma müşahidə olunub.
İran müharibəsi səbəbindən benzin qiymətlərinin 2022-ci ildən bəri ən yüksək səviyyəyə çatması fonunda yanacaqdoldurma məntəqələrinin gəlirləri 2,8 faiz artıb.
Bizi sosial şəbəkələrdən izləyin!!
