ABŞ-ın kommersiya (satış) məqsədli xam neft ehtiyatları ötən həftə bir əvvəlki həftəyə nisbətən 1,3 milyon barel artıb.

ABŞ Enerji İnformasiya İdarəsi (EIA) ölkədəki kommersiya məqsədli xam neft ehtiyatlarının ötən həftə 1,3 milyon barel (0,3 faiz) artımla 447,2 milyon barelə çatdığını açıqlayıb. 

Bazar gözləntisi ehtiyatların 2,2 milyon barrel artacağı istiqamətində idi. Xam neft ehtiyatları ötən həftə 900 min barel artım qeyd etmişdi.

Kommersiya xam neft ehtiyatlarına daxil olmayan strateji xam neft ehtiyatları ötən həftə bir əvvəlki həftəyə nisbətən dəyişiklik göstərməyərək 649,1 milyon barrel səviyyəsində sabit qalıb.

Sözügedən dövrdə ABŞ-ın benzin ehtiyatları isə 500 min barel (0,2 faiz) artımla 257,9 milyon barelə çatıb. Benzin ehtiyatlarına dair bazar gözləntisi 1,6 milyon barel artım olması istiqamətində idi. Benzin ehtiyatları əvvəlki həftə 2,2 milyon barrel geriləmişdi. 

ABŞ-ın xam neft idxalı ötən həftə bir əvvəlki həftəyə nisbətən gündəlik orta hesabla 63 min barel artımla 7,15 milyon barelə, neft ixracı da gündəlik orta hesabla 926 min barel artımla 2,87 milyon barelə yüksəlib.

NEFT HASİLATI ARTIB

ABŞ-da xam neft hasilatı keçən həftə əvvəlki həftəyə nisbətən gündəlik orta hesabla 9 min barel artıb. Gündəlik orta hesabla xam neft hasilatı ölkənin Alyaska ştatında 9 min barel artım qeyd edərkən, digər əyalətlərdə isə dəyişiklik göstərməyib.

Beləliklə, 26 Yanvar -1 Fevral həftəsində ABŞ-ın xam neft istehsalı təxminən gündəlik orta hesabla 11,9 milyon barrellə rekord səviyyədə qalmaqda davam edib və 56 həftədə 43-üncü dəfə artım göstərmişdir.

EIA-nın "Yanvar 2018" hesabatına görə, ölkənin gündəlik orta hesabla xam neft hasilatının bu il 12,1 milyon barrel, gələn il isə 12,9 milyon barrel olacağı ehtimal edilir.

Məlumatlar açıqlandıqdan sonra neft qiymətləri geriləyib.

marja