Tamara Mustafayeva, Banco.az
ABŞ-da təbii qazın qiyməti yeddi illik maksimuma yüksəlib.
Banco.az xarici mətbuata istinadla xəbər verir ki, qlobal enerji xərclərinin artması sektorda qiymətlərə təsir göstərməyə davam edir.
ABŞ-da təbii qaz fyuçersləri ehtiyatların azalmasına dair narahatlıqlar fonunda 2014-cü ilin fevral ayından sonra müşahidə edilən ən yüksək səviyyəyə çatıb.
Oktyabr fyuçersi Nyu-York (Nymex) əmtəə birjasında 5% bahalaşmaqla 5.98 dollara yüksəlib ki, fyuçers dünən 11% dəyər qazanmaqla 5.70 dollara çatmışdı.
Qeyd edək ki, qış aylarının sonuna doğru tələbin nə qədər artacağını göstərən mart və aprel fyuçersləri arasındakı qiymət fərqi isə 2005-ci ildən bəri ilin bu dövrü üçün qeydə alınan ən yüksək səviyyəyə çatıb.
Bizi sosial şəbəkələrdən izləyin!!