Müəllif: Tamara Mustafayeva, Banco.az
ABŞ-da ipoteka faizləri iyul ayından bəri ən aşağı səviyyədədir.
Banco.az xəbər verir ki, İpoteka Bankları Assosiasiyasının (MBA) məlumatlarına görə, 8 dekabrda sona çatan həftədə ipoteka müraciətləri əvvəlki həftəyə görə 7,4 faiz artıb.
Bu dövrdə əvvəlki həftə ilə müqayisədə ev almaq üçün müraciətlər 4 faiz, yenidən maliyyələşdirmə müraciətləri isə 19 faiz artıb.
Bununla yanaşı, 30 illik ipoteka üzrə orta faiz dərəcəsi 7,17 faizdən 7,07 faizə enərək 4-cü həftədə də enişini davam etdirib. Həmin dövrdə 15 illik ipoteka üzrə orta faiz dərəcəsi də 6,80 faizdən 6,67 faizə enib.
MBA-nın baş vitse-prezidenti və baş iqtisadçısı Mayk Fratantoni məlumatları şərh edərək faiz dərəcələrinin aşağı düşməsi ilə yenidən maliyyələşdirmənin həcminin artdığını bildirib.
Bizi sosial şəbəkələrdən izləyin!!
