ABŞ-da indekslər, Fed-in, iqtisadçıların proqnozuna paralel faiz endiriminə gedərək faizləri 1.50% - 1.75% aralığına salmasının ardından yüksəlib.

Bağlanışda Dow Jones indeksi 0,43% artımla 27186,69 bənd, S&P 500 indeksi 0,33% qazancla 3046,77 bənd və Nasdaq indeksi 0,33% artımla 8303,98 bənd səviyyələrinə qalxıblar.

Səhmlər, Fed-in faiz endiriminə getməsinin ardından rekorda doğru yüksəliblər.

Fed-in pul siyasətini müəyyən edən Federal Açıq Bazar Komitəsi (FOMC) Oktyabr yığıncağında 25 bənd faiz endiriminə qərar verilib. Bank faizləri 1.50% - 1.75% aralığına endirib.

S&P 500 İndeksi, Fed sədri Jerome Powell-in, "inflyasiyanın inadçı şəkildə zəif qaldığı müddətcə faiz artırmayacaqlarını" söyləməsindən sonra kəskin bir şəkildə yüksəlib.

Pul siyasətinin yaxşı bir mövqedə olduğunu qeyd edən Fed sədri, "Mövcud siyasət duruşu ehtimalla uyğundur və bir müddət qalacaqdır" deyib.

İnflyasiyanın zəif qalmaqda davam etdiyinə diqqət çəkən Powell, "İnflyasiyanın 2%-ə yüksəlməsini gözləyirik" deyib.

Marja