Müəllif: Gülnar Əhmədli, Banco.az
Azərbaycanda bu il neft və digər maye karbohidrogenlərin hasilatının gündəlik 630 min barel olacağı proqnozlaşdırılır. Bundan əvvəlki proqnoz 640 min barelə bərabər idi.
Banco.az xəbər verir ki, bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) aylıq hesabatında qeyd olunub.
Məlumata görə, gələn il ölkədə neft və digər maye karbohidrogenlərin hasilatı gündəlik 640 min barel olacaq. Bu da öncəki proqnozdan 10 min barel azdır.
Hesabatda qeyd olunub ki, ötən il ölkədə gündəlik maye karbohidrogenlərin hasilatı 670 min barel səviyyəsində olub.
Bizi sosial şəbəkələrdən izləyin!!