Müəllif: Gülnar Əhmədli, Banco.az
ChatGPT-nin istifadəyə verilməsindən dörd ildən az vaxt keçməsinə baxmayaraq, süni intellekt alətləri internetin ən çox ziyarət edilən platformalarına çevrilib. Lakin bazara davamlı olaraq yeni alətlər çıxsa da, veb-trafik əsasən bir neçə böyük platformada cəmlənib.
Banco.az xəbər verir ki, 2026-cı ilin iyun ayı üzrə AITools.xyz məlumatlarına əsasən, ən populyar 15 süni intellekt aləti arasında ChatGPT böyük fərqlə liderdir.
Qeyd edək ki, buradakı göstəricilər yalnız veb-sayt ziyarətlərini əhatə edir, mobil tətbiq və API istifadəsi nəzərə alınmır.
Ən çox ziyarət edilən 15 AI aləti
-
ChatGPT – 5,32 milyard ziyarət
-
Gemini – 1,14 milyard
-
Claude – 967,91 milyon
-
Canva – 759,76 milyon
-
Google Translate – 343,02 milyon
-
DeepSeek – 318,81 milyon
-
Grok – 189,89 milyon
-
JanitorAI – 173,17 milyon
-
Character AI – 165,46 milyon
-
Perplexity – 140,70 milyon
-
Magnific (Freepik) – 116,84 milyon
-
Notion – 110,64 milyon
-
Zoom – 96,24 milyon
-
Microsoft Copilot – 92,72 milyon
-
Suno – 81,84 milyon
ChatGPT bu 15 platformanın ümumi veb-trafikinin təxminən 53%-ni təşkil edir və təkbaşına digər 14 alətin ümumi göstəricisindən daha çox ziyarətçi toplayıb.
Reytinqdə ABŞ şirkətləri üstünlük təşkil edir: 15 alətdən 12-si ABŞ-də yerləşir. ABŞ-dən kənarda isə Avstraliyanın Canva, Çinin DeepSeek və İspaniyanın Magnific platformaları siyahıda yer alır.
Maraqlı məqam ondan ibarətdir ki, JanitorAI və Character AI birlikdə ayda təxminən 339 milyon ziyarət toplayaraq Perplexity və Microsoft Copilot-un ümumi göstəricisini üstələyir. Bu da personaj əsaslı süni intellekt platformalarının geniş istifadəçi auditoriyasına malik olduğunu göstərir.
Google-un Gemini və Google Translate olmaqla iki platforması siyahıda yer alsa da, onların ümumi trafiki ChatGPT-nin göstəricisinin üçdə birinə belə çatmır. Microsoft Copilot isə 92,72 milyon veb-ziyarətlə 14-cü sırada qərarlaşıb.
Bizi sosial şəbəkələrdən izləyin!!
