Ben Towers gənc yaşına baxmayaraq artıq öz şirkətini qurub. 17 yaşında olan gənc təşəbbüskar iki şirkətə sahibdir. “Uğur qazanmaq üçün məktəbin bitməsini gözləməyin” söyləyən Towers, yaşıdlarına “yaşınızın üstünlüklərindən faydalanın” deyir.
Texnologiyanın sürətlə irəliləyişi bir çox insana fikirlərini həyata keçirə biləcəyi bir mühit təqdim edir. Məktəbdə oxuyan zaman xəyallarını reallaşdırmaq artıq çox insan üçün çətin bir şey deyil. Məsələn Ben Towers, hələ 17 yaşında olmasına baxmayaraq 2 şirkəti var və illik 650 min dollarlıq dövriyyəyə sahibdir. Yaşıdları hansı universitetə daxil olacağı haqqında planlaşdırdığı halda o şirkətini böyütmək fikrindədir.
O, Towers Design və Social Marley adlı şirkətlərin sahibidir. 2 il sərbəst web dizayner kimi çalışdıqdan sonra hələ 13 yaşında olanda Towers Design şirkətini qurub. 2016-cı ildə şirkətlərinin ümumi dövriyyəsi 650 min dollara qədər yüksəlib.
700 müştərisi var
Towers Design şirkətini qurduqdan sonra başqa bir şirkət daha yaradıb. O, sosial media sektoru üçün yeni bir vasitə olan Social Marleyi qurub. Ben Towers bir çox şirkət tərəfindən ən təcrübəli gənc təşəbbüskar kimi tanınır. Hazırda 20 işçisi olan şirkətləri 700-dən çox müştəriyə sahibdir. Towers, “İşlər həqiqətən çox yaxşı gedir. Məqsədim startuplara sosial media sahəsində dəstək olmaqdır. Virgin kimi şirkətlər yalnız sosial mediaya milyon dollarlıq investisiyalar edir. Ancaq kiçik şirkətlərin belə bir gücü yoxdur. Mən də onlara bu mövzuda köməkçi olmaq istəyirəm ” deyir.
İşinizə qarşı ehtiraslı olun
Bu qədər gənc yaşda işə başlamağın çətinliyini deyil üstünlüyünü yaşadığını söyləyən Towers belə davam edir: “Gənc bir təşəbbüskar olmaq, gələcəkdə biznes dünyasını formalaşdırmağın bir parçası olmaq deməkdir. Bu hədəf insana bacarmaq motivasiyası verir. “Ben Towersin gənclərə tövsiyyəsi isə belədir:” Bir şeylər etmək üçün məktəbin bitməsini gözləməyin. Mən elə etmədim. Etdiyiniz işi sevməyiniz lazımdır. İşinizi görərkən ehtiraslı olun. Yaşınızı inkar etməyin. Yaşınızın üstünlüklərini yaşayın! “
Mənbə: bizplus.az
