Tamara Mustafayeva, Banco.az
Səhər xəbər verdiyimiz kimi, ilk dəfə 2012-ci ildə 104 milyar dollar ilə birjaya daxil olan sosial media nəhəngi "Facebook" bazar ertəsi reallaşan birja bağlanış əməliyyatlarına görə 1 trilyon dollarlıq bazar dəyərini üstələyib. Bununla da, şirkət trilyonluq bazar dəyərinə çatan sayca beşinci Amerikalı müəssisə ünvanını qazanıb.
Qeyd edək ki, şirkətin təsisçisi və CEO-su Mark Zuckerbergin sərvəti də bu hadisədən sonra 5 milyard dollar artmaqla ümumilikdə 128 milyard dollara çatıb. Bu isə öz növbəsində Zuckerbergi dünyanın ən varlı dördüncü şəxsinə çevirib.
İndi isə gəlin trilyonluq bazar dəyəri olan nəhəng şirkətləri tanıyaq:
- Apple - 2 trilyon 249 milyard dolar
- Microsoft - 2 trilyon 24 milyard dollar
- Amazon - 1 trilyon 727 milyard dollar
- Alphabet Inc - 1 trilyon 668 milyard dollar
- Facebook - 1 trilyon 8 milyard dollar
Xatırladaq ki, Səudiyyə Ərəbistanının rəsmi neft şirkəti "Saudi Aramco"nun da 1 trilyon 869 milyard dollarlıq bazar dəyəri mövcuddur. Ancaq şirkətin səhmlərinin çox kiçik bir hissəsi birjada icra edilir.
Bizi sosial şəbəkələrdən izləyin!!
