“Bank Respublika” ASC İnformasiya Texnologiyalarına Dəstək Departamentində Texniki dəstək üzrə mütəxəssis (İT Help desk) vəzifəsi üzrə vakansiya elan edir.

Ümumi vəzifə öhdəlikləri:

• Bankın biznes prosesləri zamanı daxili istifadəçilərin istifadə etdiyi proqram təminatı ilə bağlı  yaranmış sorğuların qəbul edilməsi;
• “Service Desk” vasitəsi ilə qeydiyyata alınan bütün sorğuların vaxtında cavablandırılması və icrası;
• İnformasiya texnologiyaları istiqamətində texniki problemlərlə bağlı daxil olan müraciətlərin qəbulu, təhlili və həllinə dəstəyin göstərilməsi;
• Avadanlığın və proqram təminatının quraşdırılması, yoxlanılması və konfiqurasiyası.

Namizədə qarşı tələblər:

• Ali təhsil (İnformasiya texnologiyaları sahəsi üzrə arzuolunandır);
• Aidiyyəti sahə üzrə minimum 1 il iş təcrübəsi mütləqdir (Bank sahəsi üzrə təcrübə arzuolunandır);
• Kibana-da xətalarla bağlı sorğuların axtarışı və loglardan istifadə qaydası haqqında biliklər;
• Grafana, PRTG, Sentry monitoring alətlərlə işləmək bacarığı;
• Microsoft Active Directory & Group Policy üzrə biliklər;
• Windows 10 əməliyyat sistemi ilə bağlı biliklər;
• Şəbəkə və onun iş prinsipi ilə bağlı anlayışlar;
• Yüksək səviyyədə yazılı və şifahi ünsiyyət bacarıqları;
• Analitik düşüncə qabiliyyəti;
• Məsuliyyətlilik, dəqiqlik, operativlik və problem həll etmə bacarığı.

Göstərilən tələblərə cavab verən namizədlər öz CV-lərini mövzu hissədə Texniki dəstək üzrə mütəxəssis (İT Help desk) qeyd edərək 15 oktyabr 2023-cü il tarixinədək [email protected] elektron ünvanına göndərə bilər.

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.