Vision Fund AzərKredit MMC Hüquq departamentində Təcrübə keçmə proqramını elan edir

“Vijn Fond AzərKredit” MMC (AzərKredit) kiçik və orta sahibkarlara öz bizneslərini genişləndirmək və iqtisadi vəziyyətlərini inkişaf etdirmək üçün onları kreditlərlə təmin edir ki, bununla da ölkənin iqtisadi inkişafına kömək göstərir. Şirkət Azərbaycanda fəaliyyət göstərən ən böyük BOKT-larından biridir. İşəgötürən olaraq AzərKredit, özünün daha uğurlu gələcəyini təmin etmək məqsədi ilə müasir təlimlər, əla işçi atmosferi, işçi bacarıqlarının artırılması vasitəsi ilə özünün insan resurslarına sərmayə yatırır.

AzərKredit universitet tələbələrinə təşkilatın Hüquq departamentində təcrübə keçmə imkanı təklif edir.

Təcrübə keçmə imkanı AzərKreditin aşağıda göstərilən filiallarında mövcuddur:

Bakı, Sumqayıt, Gəncə, Şəmkir, Mingəçevir, Saatlı, Biləsuvar, Goranboy, Tovuz, Göyçay

Tələblər:

• Universiteti yeni bitirmiş məzunlar və ya 3-cü / 4-cü kurs tələbələri;
• Azərbaycan dilini (həm yazılı, həm də şifahi) yüksək səviyyədə bilməlidir;
• Word, Excel proqramları və məlumat bazalarında işləməyi bacarmalıdır;
• İşgüzar və praktiklik kimi qabiliyyətlərə malik;
• Müraciət etdiyi departamentin işini və işi ilə bağlı mövzuları anlamalıdır;
• Ona həvalə edilən tapşırıqları icra etməli və təşəbbüskar olmalıdır;
• Yüksək səviyyəli ünsiyyət bacarıqları olmalıdır;
• Komandada işləmək və həmkarları ilə mehriban münasibətlər qurmağı bacarmalıdır.

Təcrübəçilər aşağıda təsvir olunmuş məsələlərlə məşğul olacaq:

• Bank işinə dair hesabatların, standart rəsmi sənədlərin, poçt göndərişlərinin, maliyyə məlumatlarının işlənməsi, hazırlanması;
• Bank hüququ və Bank maliyyəsi məsələri ilə yaxından işləmək və öyrənmək;
• Müştəri bazası ilə işləmək qabiliyyətinin artırılması və s.

Təcrübə keçmə proqramı üç ay müddətinə davam edəcəkdir.

Təcrübə qrafiki sərbəstdir (həftə ərzində 10 saatdan az olmayaraq)

Nəzərinizə çatdırırıq ki, təcrübə keçmə ödənişsizdir.

Namizədlər AzərKredit anket formasını dolduraraq bu email ünvanına: [email protected] (xahiş edirik, email məktubunun Mövzu sətrində “Hüquq departamentinə Təcrübəçi” sözünü qeyd edin), və ya Faks nömrəsinə: +99412 597 30 39göndərməli və ya çap variantını 31 Dekabr 2016-cı il tarixinədək müvafiq AzərKredit filiallarına təqdim etməlidir.

AzərKredit anket formasını http://azercredit.az/en/career/how_to_apply internet səhifəsindən yükləmək və ya AzərKredit təşkilatının baş ofisi yaxud filiallarına müraciət edərək əldə etmək olar.

Xahiş edirik anket formasında müraciət etdiyiniz filialı dəqiq qeyd edəsiniz.Əks təqdirdə, sizin namizədliyiniz qəbul edilməyəcəkdir.   Nəzərə alın ki, yalnız seçilmiş namizədlər qəbul prosesinin növbəti mərhələlərinə dəvət olunacaqdır.