Unibank-ın peşə bayramları ərəfəsində keçirdiyi xüsusi kampaniyalar artıq ənənə halı alıb. Növbəti belə kampaniya isə Daxili İşlər Nazirliyinin əməkdaşları üçün nəzərədə tutulub. İyulun 11-dək davam edən kampaniya çərçivəsində, DİN əməkdaşları Unibank filiallarına müraciət edərək komissiyasız nağd kredit əldə edə biləcəklər. Kampaniya həm manat, həm də dollar kreditlərinə şamil olunur. Hərbiçilər və dövlət qulluqçuları üçün nəzərdə tutulan kampaniya da bank tərəfindən iyulun 11-dək uzadılıb. Bu müddətdə polis əməkdaşları ilə yanaşı hərbiçilər və dövlət qulluqçuları da komissiyasız və sərfəli nağd kreditin şərtlərindən faydalana bilər.
Ölkənin qabaqcıl banklarından olan Unibank-ın maliyyə bazarında rolu, beynəlxalq maliyyə institutları və KİV tərərəfindən yüksək qiymətləndirilir. Təsadüfi deyil ki, dünyanın nüfuzlu maliyyə nəşrlərindən olan “The Banker” jurnalının xüsusi qiymət komissiyasının ekspertləri 2014-cü ilin nəticələrinə görə, Unibank-ı pərakəndə müştərilərə xidmət üzrə Azərbaycanda “Ən yaxşı riteyl bank” nominasiyası üzrə mükafatlandırıb. Unibank həmçinin biznesin inkişafına verdiyi maliyyə dəstəyinə görə “Uğur” Milli Mükafatına layiq görülüb.
Unibank hazırda 40 filialı ilə ölkə vətəndaşlarının xidmətindədir. Müştərilərinə bütün həftəni xidmət etmək üçün Unibankın filialları, həftənin 5 günü nahar fasiləsi olmadan səhər saat 09.00-dan axşam 17.00-dək, şənbə günləri isə 10.00-dan 14.00-dək fəaliyyət göstərir.
Ətraflı məlumatı (012) 117 nömrəli telefondan, Bankın saytından (www.unibank.az ) və yaxud facebook və twitter səhifələrindən (www.facebook.com/unibank.az , https://twitter.com/unibank ) əldə etmək olar.
Unibank-hər kəsin bankı!
