Expressbank kollektivi ötən illər olduğu kimi, bu il də ənənəsinə sadiq qalaraq, Mərkəzi Qan Bankı ilə birlikdə korporativ sosial məsuliyyət layihəsi çərçivəsində qan xəstəliyindən əziyyət çəkən insanlara könüllü və təmənnasız kömək məqsədilə qanvermə aksiyası təşkil etmişdir.

Hazırda respublikamızda 2000-dən artıq qan xəstəliklərindən əziyyət çəkən insanların köməyə ehtiyacları vardır. Bankın baş ofisində keçirilmiş qanvermə aksiyasında Expressbank-ın əməkdaşları fəal iştirak etmişlər. Ümumiyyətlə, Expressbank kollektivi mütəmadi olaraq uşaq evləri, qocalar evi, şəhid ailələrini ziyarət edir və sosial yönümlü aksiyalara xüsusi diqqət ayırırlar.

Expressbank-ın xidmət şəbəkəsi 16 filialdan ibarətdir. Onlardan 10-u Bakı və Sumqayıt şəhərlərində, 6-sı isə ölkənin Gəncə, Mingəçevir, Bərdə, Qusar, Xaçmaz və Şirvan şəhərlərində yerləşir. Bankın ölkə üzrə 80-dək bankomat, 6000-dək POS terminal və 500-dən artıq ExpressPay ödəniş terminalı vardır.

Bank xidmətləri barədə ətraflı məlumat üçün 132 Məlumat Mərkəzinə zəng edə, www.expressbank.az saytına və ya Bankın rəsmi facebook səhifəsinə www.facebook.com/Expressbank daxil ola bilərsiniz.