Müəllif: Tamara Mustafayeva, Banco.az
IV rübün yenilənmiş məlumatları iqtisadiyyatın 0,4 faiz artdığını göstərdiyi üçün Yaponiya texniki tənəzzüldən yayınıb.
Banco.az xəbər verir ki, Yaponiyada bazar ertəsi günü yayımlanan yenidən işlənmiş rəsmi məlumatlara görə, ölkə iqtisadiyyatı ötən ilin oktyabr-dekabr dövründə güclü kapital xərclərinin dəstəyilə artım tempinə qayıdıb.
Yaponiyanın ümumi daxili məhsulu (ÜDM) dördüncü rübdə əvvəlki illə müqayisədə 0,4 faiz artıb. Bu, iqtisadçıların 1,1 faizlik artımla bağlı konsensus gözləntilərinə uyğun gəlmir.
Qeyd edək ki, ötən ayın müvəqqəti məlumatları ÜDM-in 0,4 faiz azaldığını göstərirdi. İyul-sentyabr aylarında iqtisadiyyat 3,3 faiz daralmışdı.
Xatırladaq ki, Həmkarlar ittifaqları və işəgötürənlər arasında builki Şunto yaz əmək haqqı danışıqlarında güclü əmək haqqı artımı əlamətlərindən sonra Yaponiya Bankının 18-19 mart tarixlərində keçiriləcək iclasında faiz dərəcələrini normallaşdıra biləcəyi ilə bağlı gözləntilər artır.
Bizi sosial şəbəkələrdən izləyin!!
