Müəllif: Tamara Mustafayeva, Banco.az
Qlobal metan emissiyaları ötən il rekord 135 milyon ton səviyyəsində qalıb.
Banco.az xəbər verir ki, Beynəlxalq Enerji Agentliyinin (BEA) Qlobal Metan İzləyicisi hesabatına görə, Sənaye İnqilabından bəri müşahidə edilən qlobal temperatur artımının 30 faizi metan emissiyaları ilə bağlıdır. Qlobal enerji sektoru metan emissiyalarının 40 faizini təşkil edir və kənd təsərrüfatından sonra ikinci yeri tutur.
Metan həm karbon dioksiddən daha sürətli dağılmasına, həm də daha qısa ömür sürməsinə baxmayaraq, karbon dioksiddən daha güclü istixana qazıdır.
İqlim dəyişikliyi ilə mübarizə məqsədlərinə və səylərinə baxmayaraq, enerji sektorunda əsasən qalıq yanacaqlardan yaranan metan emissiyaları 2019-cu ildə rekord səviyyədən bir qədər aşağıda qalmış olsa da, 2022-ci ildə 135 milyon tona çataraq rekord səviyyəyə yaxınlaşıb.
Qeyd edək ki, kömür, neft və təbii qaz sektorlarının hər biri 40 milyon ton metan emissiyası istehsal etmişdir. BEA-nın hesabatına görə, neft və qaz sektorundan metan emissiyaları mövcud texnologiyalarla 75 faiz azaldıla bilər. Bunun üçün isə 100 milyard dollarlıq zəruri investisiya lazımdır.
Bizi sosial şəbəkələrdən izləyin!!
