Müəllif: Tamara Mustafayeva, Banco.az
Norveç Mərkəzi Bankı uçot dərəcəsi üzrə qərarını açıqlayıb.
Banco.az xəbər verir ki, Norveç Mərkəzi Bankı uçot dərəcəsini 25 baza bəndi artırmaqla 3,25 faiz həddinə çatdırıb.
Bloomberg nəşrinin sorğusunda iştirak edən iqtisadçılar da məhz bu istiqamətdə artım gözləyirdilər.
Borclanma xərclərini 2008-ci ildən bəri qeydə alınan ən yüksək səviyyəyə qaldıran Norveç Mərkəzi Bankı kronun məzənnəsinin zəifləməsi inflyasiyanı intensivləşdirdiyindən faiz dərəcələrinin artırılmağa davam ediləcəyini vurğulayıb.
Qeyd edək ki, ölkədə maaş artımları və rəsmi valyuta olan kronun ucuzlaşması inflyasiyanın yüksək səviyyədə qalmasına gətirib çıxara bilər.
Bizi sosial şəbəkələrdən izləyin!!
