Müəllif: Gülnar Əhmədli, Banco.az
Pula qənaət etmək üçün bir çox vərdişlərinizi dəyişdirməlisiniz. Bəzən məntiqli görünən alış-verişlər, lazımsız xərclərə çevrilə bilir. Həyatınız boyu maddi çətinliklər yaşamağınıza səbəb olacaq davranışları bir araya yığmışıq. Sizi narahat edəcək və ciddi problemlərinə səbəb olan davranışlar bunlardır:
1. “Özümü mükafatlandırmağa layiqəm”.
Bəzən çətin günlərdən sonra özümüzü mükafatlandırmaq istəyirik. Təbii ki, bizi xoşbəxt edəcək işlərlə məşğul olmalıyıq, lakin mümkün əlavə xərclərin bizi xoşbəxt edib-etməyəcəyini də düşünməliyik. Planlaşdırılmamış xərclər ayın sonunda stress və narahat olmanıza səbəb ola bilər.
2. “Toy yalnız bir dəfə olur, ona görə də borca girməyə dəyər”.
İndi bir çox cütlük toy xərcləri üçün kredit götürür və ya borc alır. Ancaq borcla evliliyə başlamaq özü ilə çoxlu problemlər gətirir. Toy xərclərinə ayıracağınız pulu bir çox fərqli ehtiyaclar üçün istifadə edə, banka depozit qoya və ya əmlak ala bilərsiniz.
Depozit qoymağı düşünürsünüzsə, linkə keçid edərək bankların şərtləri ilə tanış ola bilərsiniz: Manat əmanəti hansı banklarda daha sərfəlidir? – Fevral 2024
3. “Bütün günü işləyirəm, buna layiqəm”.
Bütün günü işləmək hamster çarxında qaçmaq kimi hiss edilə bilər. Qayğılar bəzən ehtiyaclarımızı və hobbilərimizi görməzlikdən gəlməyimizə səbəb olur. Təbii ki, gün sonunda enerjimiz tükənir. Bu nöqtədə vacib olan prioritetlərinizi müəyyənləşdirmək və buna uyğun hərəkət etməkdir.
.jpeg)
4. “Həyata bir dəfə gəlirəm, ona görə də xərcləyəcəyəm”.
Təbii ki, sabah bizi nə gözlədiyini bilmirik. Bu səbəblə pula qənaət etmək bəzən irrasional davranış kimi görünür. Kim bu anı yaşaya bildiyi halda uzaq gələcək haqqında düşünmək istəyər? Lakin həyatdan zövq alaraq da qənaət edə bilərsiniz. Əsas odur ki, bu ikisi arasında tarazlıq yaradın.
5. “Bu özəl bir gündür”.
Planlaşdırılmamış xərclərlə israfçılığı bir-birindən ayırmağı bacarmalısınız. Xəstəliklər, işsizlik, elektronikanın nasazlığı və ya təcili ayaqqabı ehtiyacı. Bütün bunlar planlaşdırılmamış xərclərə daxildir. Ancaq ən yaxın dostunuzun toyunda aldığınız və bir daha geyinməyəcəyiniz ayaqqabı bu kateqoriyaya aid deyil.
6. “Mən bu pulu asanlıqla qazandım, asanlıqla xərcləməyə haqqım var”.
Asanlıqla pul qazansanız belə, onu necə xərcləyəcəyinizi düşünməlisiniz. Bu səbəblə lotereya qazanan bir çox insan illər sonra maliyyə çətinlikləri çəkir.
7. “Aldım, çünki endirimdədir”.
Çox vaxt bahalı bir şey alarkən özümüzü günahkar hiss edirik. Lakin “endirimdə idi” demək rahatlamağa kömək edir. Özünüzə bu sualı verməlisiniz: “Endirimdə olmasaydı, yenə də alardımmı?”
(1).jpeg)
8. “Daha bahalı daha yaxşıdır”.
Bəzən dövr ilə uyğunlaşmaq üçün lazım olduğundan daha çox pul xərcləyirik. Məsələn, biz elektron cihazlar almaq istəyəndə onların xüsusiyyətlərinə belə baxmadan ən populyar cihazlara müraciət edirik. Lakin bahalı məhsul almadan əvvəl lazımi araşdırmaların aparılması sizi israfçılıqdan xilas edəcək.
9. “Keçən ay çox qənaətcil idim, ona görə də bu ay pulumu istədiyim kimi xərcləyə bilərəm”.
Nəqliyyata qənaət etmək və ya bahalı restoranlara pul xərcləməmək, əlbəttə ki, yaxşı vərdişdir. Ancaq bunların heç biri imtina etmək üçün bir səbəb deyil. Xərclərinizə nəzarət etməsəniz, bu qənaətlərin əhəmiyyəti olmayacaq. Ona görə də nə qədər qənaət etsəniz də, əlavə xərclərə diqqət yetirməlisiniz.
Bizi sosial şəbəkələrdən izləyin!!
