Google-ın Huawei qərarı bazara necə təsir edəcək? | Banco.az

Google-ın Huawei qərarı bazara necə təsir edəcək?

ABŞ Prezidenti Donald Trampın "milli fövqəladə vəziyyət" elan edərək, Amerika şirkətlərinin milli təhlükəsizlik riski təşkil edən xarici şirkətlərə aid telekommunikasiya avadanlıqlarını istifadə etmələrini qadağan edən Fərmana imza atmasının ardından, Google, ağıllı telefon bazarında payları dəyişdirəcək bir addım atıb.

Google, ABŞ-ın bu qərarının hədəfində olan Çinin texnologiya şirkəti Huawei ilə olan əlaqələrini təxirə salıb. Google şirkəti, Huawei ilə təchizat, proqram təminatı və texniki xidmətlər sahəsində əməkdaşlığı dayandıracağını açıqlayıb.

Google-ın sözçüsünün Reuters-ə verdiyi açıqlamaya görə, Google Play başda olmaqla Android proqramları mövcud Huawei cihazlarında çalışmağa davam edəcək. Ancaq Huawei-nin bundan sonra çıxaracağı yeni telefon modellərinin istifadəçiləri, Google və dolayısı ilə Android proqramlarına daxil ola bilməyəcəklər. 

 

İSTİFADƏÇİLƏRƏ NECƏ TƏSİR EDƏCƏK?

Hal-hazırda Huawei, Google-ın Android platformasını istifadə edən dünyada ən böyük ikinci telefon istehsalçısıdır.

Google-ın ABŞ sanksiyaları daxilində verdiyi bu qərarından imtina etməməsi vəziyyətində, Çinin Huawei şirkətinin ağıllı telefonlarında Android yerinə öz əməliyyat sistemini istifadə etməsi lazım olacaq.

Google-ın verdiyi bu radikal qərarın necə tətbiq olunacağı barədə hələ ətraflı məlumat yoxdur, ancaq Google-a da zərər verməsi gözlənilən bu qərarla, Huawei-nin Android telefon sahibləri, Google tətbiqlərinə (proqramlarına) daxil olmaq imkanını itirəcəklər və eyni zamanda Android yenilənmələrini ala bilməyəcəklər.

 

Bəs bu qərar ağıllı telefon bazarını necə təsir edəcək?

Şirkət

2018 satış (milyon ədəd)

2018 bazar payı

2017 satış (milyon)

2017 bazar payı

İllik dəyişiklik (satışlar)

1. Samsung

292

20.80%

317.7

21.70%

-8.00%

2. Apple

209

14.90%

215.8

14.70%

-3.20%

3. Huawei

206

14.70%

154.2

10.50%

33.60%

4. Xiaomi

123

8.70%

92.7

6.30%

32.20%

5. Oppo

113

8.10%

111.7

7.60%

1.30%

6.Digərləri

462

32.90%

573.4

39.10%

-19.40%

Cəmi

1,405

100.00%

1,465.50

100.00%

-4.10%

Bazar araşdırma təşkilatı IDC-in məlumatlarına görə, 2018-ci ildə dünyada cəmi 1.4 milyard ədəd telefon satılıb. Bunların 292 milyonu Samsung, 209 milyonu Apple, 206 milyonu isə Huawei markalı telefonlar olub.

 

HUAWEİ DƏ GEDƏRSƏ, ƏLİNDƏ YALNIZ SAMSUNG QALACAQ!

Huawei-nin 14.7%-lik bazar payı var. 2019-cu ilin ilk rübünün rəqəmlərinə baxsaq satılan cəmi 311 milyon ədədlik telefonun 72 milyonu Samsung, 59 milyonu Huawei və 36 milyonu isə Apple olub. Çinin Huawei şirkətinin qlobal bazardakı payı da 19%-ə çatıb.

ABŞ-ın "qara siyahı" qərarı yalnız Huawei-yə aid deyil, Çinin digər texnologiya şirkətlərinə də şamil olunur.

Dünyada ən böyük 10 ağıllı telefon istehsalçısından 7-si Çin şirkətidir və bunların hamısı da Android cihazlar istehsal edir.

Şirkət

2019 1-ci rüb Satış (milyon)

2019 1-ci rüb bazar payı

2018-1-ci rüb Satış (milyon)

2018 1-ci rüb bazar payı

İllik dəyişiklik (satışlar)

1. Samsung

71.9

23.10%

78.2

23.50%

-8.10%

2. Huawei

59.1

19.00%

39.3

11.80%

50.30%

3. Apple

36.4

11.70%

52.2

15.70%

-30.20%

4. Xiaomi

25

8.00%

27.8

8.40%

-10.20%

5. Vivo

23.2

7.50%

18.7

5.60%

24.00%

5. Oppo

23.1

7.40%

24.6

7.40%

-6.00%

6. Digərləri

72.1

23.20%

91.9

27.60%

-21.50%

Cəmi

310.8

100.00%

332.7

100.00%

-6.60%

Ən sərfəli kredit üçün müraciət et

Bazarda, Huawei-nin ardından, digər Çinli istehsalçılar Xiaomi, Vivo və Oppo da əhəmiyyətli oyunçular arasındadırlar. Bu 4 böyük Çinli telefon istehsalçısının bu ilin ilk 3 ayında satdığı cihazların cəmi Android bazarındakı 47%-i aşır. Çinin digər istehsalçılarına da Android məhdudiyyəti tətbiq etsə, Google-ın mobil bazarda əlində yalnız Cənubi Koreyanın Samsung şirkəti qalmış olacaq.

 

11 İLLİK TARİXİNDƏ İLK DƏFƏ OLA BİLƏR!

Google-ın son qərarından Android platforması mənfi təsir görə bilər. Əgər Google, Huawei başda olmaqla Çinin telefon istehsalçılarının bundan sonra istehsal edəcəkləri yeni modellərdə Android-i istifadə etməsinə icazə verməzsə, ağıllı telefon bazarında iki meyl yarana bilər.

Birincisi, mobil əməliyyat sistemi sahəsində Android ilə dünyada 85%-lik bir payı olan Google, Apple-ın iPhone-larında istifadə etditi iOS-ə qarşı "qan" itirə bilər. Bununla bərabər, Apple-ın yüksək qiymətlərinə görə düşən iPhone satışları nəzərə alındığında, istehlakçıların seçimi yenə daha fərqli qiymət səviyyələri təqdim edən markalar olacaq.

 

Ancaq Çinli markalar bazardakı varlıqlarını davam etdirə bilmələri üçün Androidə alternativ olaraq öz əməliyyat sistemlərini inkişaf etdirib, öz platformalarında çalışan telefonları çıxarmağa yönələcəklər.

Hər nə qədər Android-in bazardakı hakimiyyəti söz mövzusu olsa da, Google-ın verdiyi bu son qərar tətbiq edilsə, Android-in mənfi təsir görəcəyi qətidir. Bu vəziyyətdə isə, istifadəçilərə ilk versiyasını 2008-ci ildə təqdim edilən Android-in 11 illik tarixində ilk dəfə bazar payında azalma olacaq.

Marja

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç