Bu ilin yanvar-oktyabr aylarında “Azərkosmos” ASC 26 xarici ölkəyə 37,5 milyon ABŞ dolları dəyərində xidmət (telekommunikasiya və optik xidmətlər) ixrac edib.
Banco.az bu barədə İqtisadi İslahatların Təhlili və Kommunikasiya Mərkəzinə istinadən xəbər verir ki, 10 ay ərzində dövlət şirkətinin xidmət ixracından əldə etdiyi gəlir onun ümumi gəlirlərinin 89%-ni təşkil edib.
Cari ilin oktyabr ayında isə “Azərkosmos” 23 xarici ölkəyə 7,2 milyon dollar dəyərində xidmət ixrac edib. Sözügedən xidmətləri əsasən ABŞ, Böyük Britaniya, Fransa, Birləşmiş Ərəb Əmirlikləri və Malayziya idxal edib.
