Müəllif: Tamara Mustafayeva, Banco.az
Türkiyəyə səfər edən xarici turistlərin sayı ötən ay pandemiyadan əvvəli səviyyəni üstələyib.
Banco.az xəbər verir ki, Mədəniyyət və Turizm Nazirliyinin məlumatına görə, 2023-cü ilin yanvar ayında Türkiyəyə səfər edən əcnəbilərin sayı əvvəlki ilin eyni ayına görə 56,51 faiz artım göstərərək 2 milyon 5 min nəfərə çatıb.
Beləliklə, yanvar ayında xarici turistlərin sayı pandemiyadan əvvəlki göstəricini ötüb. Pandemiyadan əvvəl, 2020-ci ilin yanvar ayında turistlərin sayı 1 milyon 787 min 435 idi.
2023-cü ilin yanvar ayında Türkiyəyə ən çox ziyarətçi göndərən ölkələr arasında Rusiya Federasiyası 13,95 faizlə birinci olub. Rusiyanı 8,33 faizlə Bolqarıstan, 6,98 faizlə isə Almaniya izləyib.
Bizi sosial şəbəkələrdən izləyin!!