Müəllif: Tamara Mustafayeva, Banco.az
“YouTube” platforması video redaktəsini asanlaşdıracaq yeni tətbiqi “YouTube Create”i təqdim edib.
Banco.az xəbər verir ki, “YouTube” platforması kontent yaradıcıları üçün video montajını asanlaşdırmaq məqsədilə “YouTube Create” adlı yeni tətbiq hazırlayıb. Tətbiq sayəsində video montaj, GIF və effektlər əlavə etmək kimi əməliyyatlar daha asan həyata keçirilə bilər.
Kontent yaradıcıları öz videolarını tətbiqə yüklədikdən sonra müxtəlif redaktə alətləri arasından seçim edə biləcəklər. Kəsmə, dublyaj, qonorarsız musiqi kitabxanasına giriş, filtrlər, stikerlər, GIF və effektlər əlavə etmək kimi bir çox funksiya təqdim edən proqram həm də ödənişsizdir.
Video montaj proseslərini daha asan və maraqlı edən tətbiq istifadəçilər tərəfindən “TikTok”un “CapCut” tətbiqi ilə müqayisə edilib.
Qeyd edək ki, “YouTube” bu tətbiqin hazırlanması zamanı 3 min kontent yaradıcısı ilə məsləhətləşdiyini və onların rəylərini nəzərə aldığını bildirib.
Bizi sosial şəbəkələrdən izləyin!!
