Müəllif:Mehin Qasımova/Banco.az
Bu gün Çinin sosial platforması olan TikTok-u qadağan edən ölkələrin sayı günü-gündən artır.
Bəs TikTok hansı ölkələrdə qadağandır?
Avropa Birliyi
Avropa Komissiyası və Aİ Şurası kibertəhlükəsizlik tədbiri olaraq 23 fevral 2023-cü ildə TikTok-u işçilərin telefonlarına müvəqqəti olaraq qadağa qoyub.
ABŞ
ABŞ-ın Montana ştatında "TikTok" tətbiqini tamamilə qadağan edən qanun layihəsi qəbul edilib. Digər tərəfdən, Nyu York Bələdiyyəsi TikTok-un dövlətə məxsus cihazlarda istifadəsini qadağan edib.
Birləşmiş Krallıq
Böyük Britaniya hökuməti 16 mart 2023-cü ildə TikTok-u bütün dövlət elektron cihazlarına qadağa qoyub.
Kanada
Digər ölkələrə uyğun olaraq, Kanada bu ilin fevral ayında bütün hökumət mobil cihazlarında TikTok-u qadağan edib.
Danimarka
Danimarka höküməti 2023-cü ilin mart ayında TikTok-un iş cihazlarında qadağan edilməsini əmr edib. Ölkənin Müdafiə Nazirliyi təhlükəsizliklə bağlı narahatlıqlara istinad edərək, işçilərə proqramı mümkün qədər tez silməyi əmr edib.
Nepal
Nepal 2023-cü ilin noyabrında TikTok tətbiqini qadağan edəcəyini açıqlayaraq, məşhur video tətbiqinin "sui-istifadəsi" səbəbindən ictimai harmoniya və xoş niyyətin pozulduğunu və tətbiqə nəzarət tələbinin artdığını bildirib.
Əfqanıstan
Taliban 2022-ci ilin aprelində Əfqanıstanda TikTok-u qadağan etdi və platformanın məzmununun "İslam qanunlarına uyğun olmadığını" söyləyib.
Yeni Zelandiya
Yeni Zelandiya 17 mart 2023-cü ildə TikTok-un bütün parlament cihazlarında qadağan olunduğunu elan edib.
İndoneziya
İndoneziya 2018-ci ildə pornoqrafiya, uyğunsuz məzmun və küfr kimi səbəblərə görə TikTok-u qadağan edib. Tətbiq senzura tətbiq etməyə razılaşdıqdan sonra qadağa bir həftə ərzində ləğv edildi.
Tayvan
"TikTok" 2022-ci ilin dekabrında Tayvanın hökumət cihazlarında qadağan edilib. Bu addım FTB-nin TikTok-un milli təhlükəsizlik riski yaratdığı barədə xəbərdarlıq etməsindən sonra atılıb.
Hindistan
"TikTok" ilk dəfə 2020-ci ildə Hindistanda qadağan edilib. Qadağa qərarı Himalay dağlarında Çin ordusu ilə toqquşmada 20 hind əsgərinin öldürülməsindən sonra verilib. Hadisədən sonra Hindistan "TikTok "da daxil olmaqla 50-dən çox tətbiqi qadağan edib.
Bizi sosial şəbəkələrdən izləyin!!