Müəllif:Ayşən İmanova/Banco.az
Amerikanın“SpaceX” şirkəti kosmosa turist uçuşları üçün rezervasiyalara başlayıb.
Banco.az xəbər verir ki, müvafiq funksiya barədə təşkilatın saytında yerləşdirilib.
Məlumata görə, potensial turistlər üçün dörd istiqamət mövcuddur: Yer orbiti, Beynəlxalq Kosmik Stansiya (BKS), Mars və Ay.
Bildirilib ki, hazırda yalnız iki istiqamət üzrə uçuş tarixləri məlumdur. Yer orbitinə 2024-cü ilin sonunda, BKS-yə isə 2025-ci ildə səyahət etmək mümkün olacaq.
“Dragon” və “Starship” raketlərində baş tutacaq uçuşlar zamanı şirkət kosmik turistləri skafandr, sensor əlcəklər və 3D çaplı dəbilqə ilə təmin edəcək. Qiymətlər barədə məlumat verilməsə də, BKS-yə artıq uçmuş turistlərin bir bilet üçün 55 milyon dollar ödədikləri bildirilir.
Xatırladaq ki, bundan öncə “SpaceX”in qurucusu İlon Mask, onun şirkətinin beş il ərzində insanları Aya çatdıra biləcəyini söyləmişdi. Marsa insanların göndərilməsinin vaxtı barədə danışarkən, bunun 7-9 il ərzində tam mümkün olacağını qeyd etmişdi.
Bizi sosial şəbəkələrdən izləyin!!
