"PAŞA Bank"ın Gürcüstandakı törəməsi ("PAŞA Bank Gürcüstan") 2018-ci ili 2 milyon 574 min min lari (1, milyon 647 min manat) mənfəətlə başa vurub. 

Bankın maliyyə hesabatına görə, bu, 2017-ci ilə nisbətən 35,8% azdır.

İl ərzində "PAŞA Bank Gürcüstan"ın faiz gəlirləri 20 milyon 744 min lari (13 milyon 276 min manat), faiz xərcləri 4 milyon 924 min lari (3 milyon 151 min manat), qeyri-faiz gəlirləri 3 milyon 591 min lari (2 milyon 298 min manat), qeyri-faiz xərcləri 14 milyon 848 min lari (9 milyon 503 min manat), xüsusi ehtiyatlara ayırmaları isə 1 milyon 988 min lari (1 milyon 272 min manat) təşkil edib. Bank mənfəət vergisi ödəməyib. 

Bu il yanvarın 1-nə "PAŞA Bank Gürcüstan"ın aktivləri 325 milyon 935 min lari (208 milyon 598 min manat) olub ki, bu da illik müqayisədə 19,8% çoxdur. Bunun 186 milyon 594 min larisi (119 milyon 42 min manatı) müştərilərə verilmiş kreditlərdir. 2018-ci ildə Bankın kredit portfeli 70,7% böyüyüb.

Hesabat tarixinə "PAŞA Bank Gürcüstan"ın öhdəlikləri isə 218 milyon 148 min lari (139 milyon 615 min manat) təşkil edib ki, bu da illik müqayisədə 30,8% çoxdur. Bunun 103 milyon 572 min  larisi (66 milyon 286 min manatı) müştərilərdən alınmış depozitlərdir. Ötən il Bankın depozit portfeli 78,9% böyüyüb.

Son 1 ildə "PAŞA Bank Gürcüstan"ın balans kapitalı 2,45% artaraq 107 milyon 787 min lariyə (68 milyon 984 min manata) çatıb. Bankın nizamnamə kapitalı isə dəyişməyərək 103 milyon lari (65,92 milyon manat) qalıb. 

1 lari = 0,64 manat

© "Renkinq"