Pandemiyaya qarşı atılan addımlar iqtisadi artımı təmin edə bilməyib | Banco.az

Pandemiyaya qarşı atılan addımlar iqtisadi artımı təmin edə bilməyib

Pandemiyanın ölkə iqtisadiyyatına mənfi təsirlərinin azaldılması məqsədilə həyata keçirilən tədbirlər iqtisadi artımı təmin etmək üçün yetərli olmayıb.

Bu, “Azərbaycan Respublikasının 2020-ci il dövlət büdcəsinin icrası haqqında” qanun layihəsinə və Azərbaycan Respublikasının 2020-ci il dövlət büdcəsinin icrasına dair illik hesabata Hesablama Palatasının rəyində əksini tapıb.

Rəydə qeyd olunub ki, dövlət büdcəsinin icrası barədə hesabata əsasən hesabat ilində dövlət büdcəsindən pandemiyanın ölkə iqtisadiyyatına mənfi təsirlərinin azaldılması məqsədilə 1390,0 mln. manat vəsait ayrılıb, bu məbləğin 1353,0 mln. manatı tam istifadə edilib. Həmçinin, iqtisadi dəstək tədbirləri üzrə digər büdcədənkənar mənbələr hesabına 2,5 mlrd. manat vəsaitin səfərbər edilməsi mümkün olub.

Həyata keçirilən tədbirlər məhdudlaşdırma tədbirlərinin neqativ təsirlərini qismən yumşaltsa da, iqtisadi artımı təmin etmək üçün yetərli olmayıb.

Ən sərfəli kredit üçün müraciət et

APA

Bizi sosial şəbəkələrdən izləyin!!

Facebook

Instagram

Telegram

Ən sərfəli krediti almaq üçün müraciət et