Tamara Mustafayeva, Banco.az
Neft qiymətləri qasırğa təhlükəsi ilə 5 ayın zirvəsində qərarlaşıb.
Banco.az xarici mətbuta istinadla bildirir ki, neft qiymətləri Laura qasırğasının ABŞ Körfəzi sahilində yerləşən əsas neft emalı müəssisələrinə yaxınlaşması və ABŞ-da özəl sektor məlumatlarına görə, enerji tələbinin yaxşılaşmağa doğru getməsi ilə axırıncı 5 ayın zirvəsində qərarlaşıb.
ABŞ xam neftinin (WTI) oktyabr fyuçersi Nyu York əmtəə birjasında (Nymex) Bakı vaxtı ilə 07:51-də stabilliyini saxlayaraq bir bareli 43.35 dollarlıq göstərici ilə 5 mart tarixindən etibarən ən yüksək bağlanışa imza atıb.
Brent markalı neftin oktyabr fyuçersi isə London əmtəə birjasında dünən 1.6% yüksələrək 5 ayın zirvəsində günü tamamladıqdan sonra yenidən 0.3% artımla bir bareli 45.99 dollara çatıb.
Bizi sosial şəbəkələrdən izləyin!!
