Müəllif: Tamara Mustafayeva, Banco.az
“Meta” CEO-su Mark Zukerberq şirkətlə bağlı radikal addımlar atıb.
Banco.az xəbər verir ki, ABŞ-ın texnologiya nəhəngi “Meta” şirkətinin direktoru Mark Zukerberq ötən həftə süni intellektə əsaslanan səs tanıma texnologiyası şirkəti “Audio Analytic”i satın alıb. Elə həmin günlərdə digər bir qərarla smart displey (ağıllı ekran) və smartwatch (ağıllı saat) layihəsini ləğv etdiyini açıqlayıb.
Hazırda bir sıra maliyyə problemləri ilə üzləşən şirkət Kembricdə yerləşən “Audio Analytic” startapının satınalma prosesi ilə bağlı müfəssəl məlumat yayımlamasa da, sözügedən startapın “Meta”nın metakainat inkişaf bölməsi olan “Reality Labs”a inteqrasiya ediləcəyi bildirilib.
Digər tərəfdən, sosial media nəhəngi “Portal” adlanan smart displey və uzun müddətdir gündəmdə olan smartwatch layihəsini dayandırıb. Bununla da, Mark Zukerberqin əsas investisiya axınını infranstrukturdan səs texnologiyalarına yönəltdiyi bəlli olur.
Xatırladaq ki, şirkət qısa müddət əvvəl 11 mindən çox işçisini ixtisar edəcəyini də açıqlamışdı.
Bizi sosial şəbəkələrdən izləyin!!