İşləməyən pensiyaçılar, uşaqlar və əlillər dövlət tərəfindən sığortalanacaq | Banco.az

İşləməyən pensiyaçılar, uşaqlar və əlillər dövlət tərəfindən sığortalanacaq

Gələn il yanvarın 1-dən ölkəmizdə hər kəsə icbari tibbi sığorta xidməti göstəriləcək. Bu barədə Baş nazirin müavini Əli Əhmədov jurnalistlərə açıqlamasında deyib. Bildirilib ki, hazırda icbari tibbi sığorta ilə bağlı geniş işlər aparılır. İcbari Tibbi Sığorta üzrə Dövlət Agentliyinin tərkibinə keçən xəstəxanaların hazır vəziyyətə gətirilməsi üçün işlər aparılır və hüquqi normativ sənədlər hazırlanır: "Yəni, genişmiqyaslı işlər aparılır ki, 2020-ci ilin yanvarın 1-də ölkəmizdə icbari tibbi sığorta xidməti göstərilsin. Əlbəttə ki, icbari tibbi sığorta sisteminə keçməkdə məqsəd vətəndaşlarımıza göstərilən tibbi xidmətin səviyyəsinin və keyfiyyətinin yüksəldilməsidir. Bununla əlaqədar olaraq vətəndaşlara müxtəlif kateqoriyalar üzrə xidmət göstərilməsinin maliyyələşməsi formaları fərqli olacaq. Təbii ki, işləməyən pensiyaçılar, uşaqlar və əlillər dövlət tərəfindən sığortalanacaq".

Ən sərfəli kredit üçün müraciət et

Baş nazirin müavini qeyd edib ki, digər kateqoriyadan olan əhali isə icbari tibbi sığorta haqqını ödəməklə xidmətdən faydalanacaq: "Burada muzdlu işçilər üçün bir qayda nəzərdə tutulub. Onların əməkhaqqından, işə götürənin isə qazancından müəyyən faizlərin İcbari Tibbi Sığorta üzrə Dövlət Agentliyinə ödənilməsi nəzərdə tutulur. Muzdlu əməklə məşğul olmayanlar üçün müəyyən bir məbləğ müəyyənləşəcək ki, bu ödəniş də o qədər yüksək deyil".

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç