İşdən istefa etməyin ən düzgün forması hansıdır? | Banco.az

İşdən istefa etməyin ən düzgün forması hansıdır?

Hər hansı bir işdən istefa etmək həmişə narahat edici bir proses olmuşdur. Müdirləriniz və həmkarlarınızla xoş ünsiyyət qurduqdan və onlar da sizin peşəkar inkişafınıza müəyyən dərəcədə fayda verdikdən sonra sizin işdən ayrılmaqla bağlı qərarınıza verilməsi ehtimal reaksiyalar təbii olaraq sizdə narahatlıq yarada bilər.

“Xəbəri necə qarşılayacaqlar?”, “Bəs, müdir əsəbləşər və ya məyus olarsa?”.  Bütün bu qorxuducu düşüncələrə rəğmən, şirkətdən istefa edən ilk insan olmadığınızı və əlbəttə ki, son da olmayacağınızı xatırlamalısınız.

İstefa etmək iş həyatının ən təbii hissəsidir. Ancaq istefa edilməsinin normal olması işdən ayrılma prosesində bəzi məsələlərdə çətinliklərin yaranmayacağı demək deyildir. İş mühitində xəbərlər sürətlə yayılır, odur ki, keçmiş ofisinizdən mənfi təəssürat yaradaraq, mübahisə edərək ayrılmağınız yeni işinizdə nüfuzunuza xələl gətirə bilər. Bu səbəblə də nəzakətlə istefa etmək peşəkar münasibətləri qorumaq və karyeranızda əminliklə yüksəlməyiniz üçün çox vacibdir.

İşdən peşəkar formada istefa etmə üçün aşağıdakı tövsiyələrə diqqət yetirməlisiniz.

Ən sərfəli kredit üçün müraciət et

  1. Müdirə qərarınızı açıqlamazdan əvvəl mövzu ilə bağlı həmkərlarınızla danışmayın.
  2. İstefa ərizəsini şəxsən özünüz təqdim edin.
  3. İstefa qərarınızı bu qərarı icra etməyi düşündüyünüz tarixdən ən az 2 həftə əvvəl xəbər verin.
  4. Sizin vəzifənizi icra edəcək namizədə işi öyrədin.
  5. Həmkarlarınıza vidalaşmaq üçün onlara e-mail göndərin.
  6. Müdirlərinizə, komanda yoldaşlarınıza və ya həmkarlarınıza qarşı özünüzdə mənfi fikirlər formalaşdırmayın və işdən xoş təəssüratla ayrılmağa çalışın.

Həmçinin oxu: İşdən çıxarkən nələri nəzərə almaq lazımdır?

Tamara Mustafayeva, Banco.az

Ən sərfəli krediti almaq üçün müraciət et

Bank işi kursları

Banco Academy

Qeydiyyatdan keç