Müəllif:Ayşən İmanova/Banco.az
Çinin texnoloji nəhəngi “Huawei” mənfəətini bu ilin birinci rübündə 564% artıraraq 2,7 milyard dollara çatdırıb.
Banco.az xəbər verir ki, bu, şirkətin ötən ilin eyni dövründəki mənfəətindən beş dəfə çoxdur. Mənfəət artımı “Huawei”nin ABŞ-ın sanksiyalarına baxmayaraq, öz yerini bərpa etməyə və rəqib “Apple”ın Çindəki satışlarını azaltmağa davam etdiyi bir vaxtda baş verir.
Artan mənfəətlə yanaşı, şirkətin gəliri də 36,7% artaraq 24,7 milyard dollar təşkil edib.
Qeyd edək ki, dünyanın iki ən böyük iqtisadiyyatı kəskin texnoloji rəqabətlə məşğul olduğu üçün ABŞ və Çin arasında gərginlik yüksək olaraq qalır. ABŞ müttəfiqlərini “Huawei”nin 5G texnologiyasından istifadə etməməyə çağırır. Çinin ondan rabitə və məlumat trafikinə nəzarət etmək üçün istifadə edə biləcəyini iddia edir.
Bizi sosial şəbəkələrdən izləyin!!
