Müəllif: Tamara Mustafayeva, Banco.az
“Nvidia” şirkəti Avropaya sərmayə qoymağı planlaşdırır.
Banco.az xəbər verir ki, süni intellekt gündəmi ilə dəyəri 1 trilyon dollara çatan şirkətlər klubuna qatılan çip istehsalçısı “Nvidia”nın baş direktoru Jensen Huanq şirkətin Avropaya investisiya qoyuluşu ehtimalının olduqca yüksək dəyərləndirildiyini söyləyib.
Huanq Avropa komissarı Tyeri Bretonun “Nvidia Avropaya daha çox sərmayə qoymalıdır və Avropa Nvidia-nın gələcəyini qurmaq üçün əla yer olacaqdır” sözlərinə istinad edib.
Xatırladaq ki, “Nvidia”nın dəyəri şirkətin qrafik prosessorlarının generativ süni intellekt alətlərini təkmilləşdirməkdə lazım olan məlumat mərkəzləri üçün ən populyar hala gəlməsilə artmağa başlayıb. Şirkətin məlumat mərkəzi departamentindəki satışlar 2022-ci ildə 41 faiz artaraq 15 milyard dollara çatıb.
Bizi sosial şəbəkələrdən izləyin!!
